歌詞：行會開跤(王昭華), 歌手：陳惠敏, 專輯：有土詩有才, 時間:2011/03

作詞：王昭華
作曲：王昭華
編曲：周建宇、王俊傑

天清清地靈靈
三界五行十方
我是誰我佇遮
佇遮揣無你的影
你敢有聽兮敢有看兮
敢有咧偷笑我
一逝一逝的目屎
那會流袂煞
你敢有感覺敢猶佇咧
敢有好好咧
一日一日相送
望你行會開跤
地化做土粉仔
水點滴入海流
火溫暖人世間
風雲煙皆散

春華枝出穎
夏稻仔飽穗
秋天心月圓
冬收工歇暝
天清清地靈靈
三界五行十方
我是誰我佇遮
佇遮揣無你的影
你敢無聽兮敢無看兮
敢無咧愛笑我
一逝一逝的目屎
也是流袂煞
我敢無感應敢袂記咧
敢無好好咧
一日一日迴向
望你行會開跤
愛你行會開跤
予你行會開跤